Steckerlfisch

i brot fia di an Steckerlfisch
und stö dei Büdl auf mein Tisch

i drah den Reg'n fia di o
und suach dei Goidketterl im Klo

i trest di, waunn di gornix gfreit
gib ocht,
daß kanna hinter dir Grimmassn schneid

i tausch Batterien bei deiner Uhr
und is da koid, deck i di zua

i pump dir Luft ins leere Radl
und ziag den Schiefern aus dein Wadl

sing dir a Liad, waunnst traurig bist
und geh am Murgn mit'n Mist

i les di ausn G'fängnis aus
und bau aus Koart'n dir a Haus

waunnst waanst, nimm i dei Gsicht in'd Händ
und streich a olle deine Wänd

host das gaunz eulig in da Fruah
moch i de Wäsch und sperr ois zua

i geh mit dir, waunns schneibt in Woid
es is varruckt,
i mog di hoit

© hp